瑞瑞爱吃桃-
饮得high high地,不如返屋企
损人先利己,打赢靠暗器
若要人不知...唔好甘低B....
得闲奸一奸，大病都好翻
你唔丑，你点算丑啊，你系块面唔多实用咁解嘛，你嘅鼻台太大，啲眼耳口鼻咪唔见使咯
处男系无资格自杀嘅！
错就要认！要对方认！！！
损人不利己,不如跳井死~~~
有恩不报未算差.....有仇不报正人渣....
三十六着，恃强凌弱
你好巴闭咩？我够有3个C咯，CHEAP、CHEAPER、CHEAPERPER
D老板成日话D员工做野都唔罗个心出来,激死人.
D员工就成日话老板都唔罗旧金出来,洗死人.
你返去同日本人讲~~钓鱼台我地中国的!
佢畀份人工你，一半系畀你做嘢嘅，一半系畀你受气嘅
D猪扒令到我哋D男人好唔安乐
但却令到你哋D女人好快乐
buffet 不妨太过份.出猫不要太高分
我有一份工...叫做阴功
喺爱情之中，女人最伟大！男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。
唔该你失恋就唔好唱情歌啦,失恋唱情歌即系漏煤气,你关窗姐
还有他很励志的一段话，适合很多找不到人生方向的人参考下的：
迷失的「的」
近来补习界一众天王齐齐整容——收皮，补习社水静河飞，正是我黄sir舍身成文，「补」渡众学生的大好时机。
闲话休提，有一刚完成会考的阿Dick，来信恳求黄sir指点迷津，黄sir自当悉力以赴。但事先声明，黄sir的意见只供参考或哂笑。若你阅罢全文之后做出惊人行为，那只是你的父母师长兄弟朋友社区或临立会的错，与本人或董建华毫无关系。
阿「的」的问题，用她自己的文字表达，综合之后有以下数点：
一、我自己根本找不到自己的路向。
二、不知道应朝哪方向出发。
三、我知道不是一定读到大学才有好前程，但我连自己想做什么也毫无头绪。
四、不知从何时开始，整个人好似身在迷宫。
五、我是否要为自己的将来作个打算呢？我应该点做呢？
阿的，老实说，看完你的信，我也差点不知自己在做什么，有种晕酡酡自己都想找人求救的感觉。
你的信很有感染力。厉害！
好了，综合你的问题，其实你是有病。你患了一个我们这专业人士称为「我唔等得我要即刻解决呢一秒就要搵到人生归宿」妄想症。
阿的，你刚会考毕业，不能顺利升读中六，读其他课程又不知自己真实意向，于是你有种迷失的感觉。
让我告诉你另一些个案。
有导演一名，三年没拍戏，欲转行又不知自己可以做什么。他迷失了。
有丈夫一个，结婚十年，婚内婚外情都试过，均觉索然无味，但又儿女几件，不知如何维持下去。他迷失了。
有大文豪，有小富豪，有护士、消防员、律师、罪犯，诸如此类，都告迷失了。这个市道，笋盘难求，但迷失的人，长要长有。
阿的，迷失，是做人的基本形态。如果普罗市民肯花多些时间静下来，如果香港的卡拉OK愿意停市三天，迷失人口肯定即时上升一倍。
知道自己迷失，是开始寻找的先兆，阿的，我恭喜你。
但凡寻找的人，要有一个心理准备，寻找，不可心急，因为你可能要寻上一辈子。
那还能生活吗？能，医学上证实，一边寻找一边读书一边干活，都是绝对健康，可以活到九十九。同样道理，一边读土木工程一边看自己是否喜欢土木工程，上上之选。除非你五行忌土又忌木，但只要你不忌工程，还是值得试试。
里论外几-
将我的QQ空间发表的栋笃盛宴经典语录贴给你了......
1.责任何在?
如果你话我听，因为我唔靓仔，所以唔可以做戏，你唔应该话我听！
因为唔关我事，我唔应该负呢个责任，你应该同我父母讲，系佢哋搞成我咁嘅。如果你要罚，应该罚佢哋。
以后，边个丑样，就罚佢爸爸妈妈唔准做戏！或者剩系做茄呢啡！
我唔系一个唔负责任嘅人，为佐我爸爸妈妈嗰短短一刹嘅快感，我已经负责负咗廿几年。你估做我好易做啊？
我细个读书唔好，或者唔合格，我冇要父母负责。我自己签晒啲成绩表嘅。
每当我爸爸妈妈有争执闹交嘅时候，我有冇叫佢哋为咗我嘅童年着想，忍下对方？冇！我叫佢哋出街闹！
我大个咗，唔知应该信边个宗教，唔知做人为乜，唔知人生事业嘅方向都冇要求父母照顾我。
反而系我调番转头，提醒佢哋：你哋要搵钱啊，积谷防饥啊，唔系第日老来无依无靠啊！
乜嘢都系我！
2.男仔唔驶靓仔
靓仔系唔系真系甘重要呀?
有啲人话男人唔驶靓仔嘅,有才华咪得罗.
系,你有冇试过带你既才华去落disco识女仔呀?
人地啲靓仔一行入去,唔洗二十分钟,就已经同啲女仔互相问问题:
[你度定我度?]
我带住我既才华入到去,几难先搵到个女仔肯比个机会我.
唔系比机会我交换问题,而系比机会我天才表演.
唱歌跳舞做话剧讲大话功夫表演,成套欢乐今宵一个人做一次......
3.演戏天份
我从小就知道,我系一个伟大既演员.
人地细个成班细路群埋,钟意玩扮结婚,扮爸爸妈妈.
我细个,就钟意扮奸夫淫妇.
但系唔知系咪我个样比较老实,我系从来都无机会扮奸夫.
每次我都系扮淫妇......嘅老公.
虽然系咁,虽然,我亦都系全班人之中最细个个.
但系我已经可以将一个妒忌嘅男人心态表现得淋漓尽至.
当然,我的朋友个个都赞我,话我天生出黎,就系戴绿帽嘅.
4.死亡
细个个阵,我系唔怕死既.
我觉得,系以前啲人先会死既.
只系历史书里面嘅人先至会死.
好多人唔明历史有咩用,历史咪话你听边啲人死左罗.
我从来未睇过一本历史书有提到黄子华呢个名,我点会死呀.
最紧要系,就算死都唔系乜野一回事.
细个个阵隔离陈师奶成日叫佢老公:[咁多人去死你仲唔去死?]
然后去完番黎,阿陈师奶又会话:[死番黎勒,唔死多阵添?]
所以我一路都认为,去死,即系去街,同埋一定唔会去好远.
因为阿陈生每次都好快就返黎嘅.
5.改名
改名,只系的父母系将自己嘅主观意愿套系的仔女身上.
所以大部份女仔唔系叫美唛就系丽唛.
男仔唔系叫阿坚,就系阿强,一唔系就叫阿祥.
咁我地系米好美丽,好坚好强好长呢?
6.黑白不明
我非常欣赏邓小平既「黑猫白猫,捉到老鼠就是好猫.-普通话」
我老友阿雄个老婆生仔,生佐个黑人出黎,我都系咁对佢讲: 「黑仔,白仔,快高长大就系你个仔啦!」
7.失恋
失恋系会令人成长嘅。我失恋之前，一向都觉得世界上所有问题都有答案。
点解我哋每日都要8点钟起身返工啊？因为够钟啰！
点解我哋有够钟呢样嘢啊？因为我哋唔用浮动上班时间啰。
点解呢个世界有战争？因为我哋有武器罗。
咁点解我哋要有武器啊？因为佢哋有武器啰。
一切都有答案，直到我失恋。
阿珍，点解你唔爱我？阿珍俾咗一个经典嘅答覆我，佢话：“爱情系冇点解嘎，系唔可以解释嘎，唔好问啦。”（记紧呢句啦）
如果番学阿sir问我嘢都可以咁答就好啦！“黄子华，物体燃烧点解需要氧气啊？”
“阿sir，系冇点解嘎，系唔可以解释嘎，唔好问我啦！”
8.红馆
依家做歌星，好犀利，因为有红磡体育馆。
因为呢样嘢，做歌星，可以喺一晚，就赚晒你哋朝九晚五一世人都搵唔到嘅钱啦！
啲人话，我真系唔明张国荣点解要退休，（点解？）
佢一晚已经搵咗你一世搵嘅嘢，佢一晚已经做咗你一世人要做嘅嘢，仲有乜嘢可以做啊？唔退休做乜？做五场，已经轮回五次！做三十场，轮回三十次，如来佛祖都话：使唔使？
啲人话，唔系嘅，佢唔舍得退休嘅！佢最后嗰场演唱会，佢自己都喊嘎。
佢系喊，不过唔系为自己喊，系为咗你哋喊啊：“我就退休啦，我听日就唔使DO啦，你哋听日仲要番九点，唔好迟到啊！！”
9.十八岁
点解十八岁先至系合法年龄呢?
因为到咗十八岁,系法律上我地就要对自己负责任
多馀,唔通十八岁之前,我地就唔洗对自己负责咩?
唔通十八岁之前,我就可以随时扑出马路:[我唔信呀,我17岁半咋,你敢撞死我?]
唔通十八岁之前我系油麻地踩完个纹身佬一脚,个纹身佬会话: [死靓仔,你未够十八岁,我忍你!]
[唉,十八岁既最大好处,就系你到咗一个合法既做爱年龄.]
我想请问,有边个做爱系因为合法先做架.
我以为大部份人做爱系为佐快感同高潮?
抑或你想话我听,十八岁之前做爱系冇高潮嘅.
十八岁之前做爱系白做嘅!
咁样十八岁就具有特别意义嘞!
10.白雪公主
白雪公主，几咁纯洁无瑕。
但系谂真啲，白雪公主，识得嗰个系王子；
灰姑娘识嗰个又系王子；
有个有特殊尝好，钟意锡青蛙嘅女人锡咗只青蛙一啖，只青蛙变出嚟嘅又系王子！
有冇人谂过根本个王子系同一个人呢？根本呢个王子都不知几花心，周围沟女,仲无良到扮青蛙去沟添！
11.性
圣人话:“食色性也！”食同色，好唔同！
一个人无论几钟意食，会唔会比几十蚊入戏院睇套“蒸气腾腾小龙包”？
一个人无论几钟意食，又会唔会为咗望一旧冇包住嘅牛肉望到俾车撞？
12.新鲜
依家啲人沟女，对绦女最大嘅要求系乜啊？唔系靓，最紧要，系够新鲜！
乜嘢叫做够新鲜啊？就系话，沟咗一年嗰个，就唔够沟咗半年嗰个咁正。
因为半年嗰个新相识，新鲜啲。
同样，沟咗半年嗰个，就唔够三个月咁正。
沟咗一个月就唔够半个月嗰个咁正。
沟咗一日就唔够半日嗰个正，如此类推，终於……沟咗嗰件，就唔够未沟嗰件咁正！
咁即系点呢？仲沟唔沟好呢？一沟就唔正？！
13.老豆
我一向以为老豆，系option嚟嘅，附加嘎咋。
无错，大部份人系有老豆嘅，就正等於大部份嘅车系有收音机一样。
但系嗰样系option嚟咋嘛，唔系架架车都有。
所以我细个嗰阵好憎啲儬仔成日喺我面前话：“我老豆点点点……”
我觉得嗰啲人好晒命，就好似你有部车，不停咁同人讲：“我部车开蓬嘎，大包围嘎！”
你不如话：“你老豆开蓬嘎，用无铅汽油嘎……”
14.儿童教育
我一向都认为，我哋成日呃啲细路仔，懒系nice咁对佢哋，讲到呢个世界乜嘢都好好咁，咁系唔啱嘅。（何解？）
细个我同妈妈搭飞机，睇见厕所嘅水系蓝色，我未见过，咪走去问妈妈嗰啲系乜？妈妈话：“系天空。”所以我就成为世界上第一个食过天空嘅人。
细个啲大人成日讲童话讲白雪公主。（你都听过啦）佢哋讲嘅就系白雪公主又靓又好人，好值得去追求。
但系冇讲到我哋唔系白马王子！边个人至系白马王子啊？起码有只白马啦。咁就即系马主啦，你话系唔系啊？
讲啲唔讲啲好危险嘎。即系等如你同个细路仔讲：“小明啊，飞出窗口好过瘾嘅，成个香港望晒嘎，浮下浮下……”但系唔同佢讲：“不过你落到地下个阵，会快过搭电梯好多！”
15．猪扒
如果你系一件猪扒，咁你基本上系唔使减肥啰～
一件猪扒，减咗肥，就系一件瘦扒，一件瘦扒就系比猪扒更唔开胃嘅扒，系咪？
你买叉烧都唔要嗰啲啦。
16.失业
你都唔知点同你阿妈解释
以前失业系因为你比老板炒，而家失业是因为你老板比人炒。
17.智慧
我个人认为我本人是智慧型的。
你不信啊？咁我就说D你仲意的。
18.伟大发现
我一向觉得,人类既历史上最伟大既三大发现分别系:
第一,牛顿发现地心吸力.
第二,爱恩思坦发现相对论.
第三,就系唔知边本杂志发现自慰对人体无害.
19.鬼佬
鬼佬又唔会一边睇戏一边讲野!
你睇吓D香港人去睇戏,银幕上D人讲几多,银幕下就讲几多.
你唔知仲以为距地系度配紧音. 重要系讲D最隐秘既家事,你大佬点样谋你, 你奶奶最锡阿二嫂...
我点能够同时处理甘多剧情嗻?
鬼佬就唔同,鬼佬唔讲野嘅,就算讲,人地系用英文讲!
英文系伟大嘎嘛!英文系伟大到,基本上,你识得英文,就代表你有知识.
你见好多阿妈都系咁噶:阿仔,你识英文,你帮我睇吓个会计呢条数点计出来既?阿仔,你识英文,听吓个摩罗差讲紧乜啊?唉,算喇,你剩系识英文,咁帮我整返部洗衣机啦!
20.诅咒
我系唔相信诅咒可以杀死人，除非你面对面同佢讲三日三夜“你仲唔死……你仲唔死……你仲唔死……”
21.读书
我读咁多年书，从来冇一个老师话过俾我听，读书系为乜。
但系我自己识谂，我终於想通：读书系为咗升班。
但系后来有个阿SIR同我哋班同学讲咗句嘢，又令我再谂过。
有一日，佢同我地讲：「你地成班都唔掂，不如你地成班申请留班读好啲书啦！」
我读书系为咗升班，依家留班系为左读好D书....？
22.世界和平
呢个世界，乜嘢国家地域主权，其实同去厕所冇分别。
甲：喂，边个喺里面呀，出嚟啦。
乙：我嚟先架！
甲：喂，俾我入嚟丫，一齐丫。
乙：黐线！用厕所都有得一齐？
冇错，如果人类可以习惯一齐用一个厕所，呢个世界就唔会打仗。
啊~~ 你要入嚟呀？等等，我坐过啲，你坐前面，疴唔疴到？
23.打交
由细到大我都真是好少同人打交……
因为我认为，你一睇果个人，你一睇距个样啊，就好打过你嘅，感你无谓同距打吖；
而，一睇距个样都唔够你打嘅，距都仲要同你打……咁佢肯定系有秘密武器啦！
24.负家产
嗱~~ 大家搞清楚，幢楼系人哋嘅，系叫负资产，好斯文架！
幢楼系自己嘅，就叫负家产！
「你幢负资产点呀？」
「冇提啦！负家产！」
问题系，各位，依家由98年开始，我哋同呢个负家产系咁生活，相处咗5、6年喇，你等佢开始真系对佢怀住一种感情喺度，佢真系成为咗你嘅家喎，咁各位，你而家就明白乜嘢叫做真正嘅“驼衰家”喇。
我哋负家产嘅家就系全世界最眼冤嘅“驼衰家”！
你而家先至明白，原来所谓咩“破碎家庭”系几咁幸福呀。一个“破碎家庭”通常讲紧一个烂赌嘅老窦，一个吸毒嘅细佬咋嘛，一两个驼衰家。
我哋啲负家产，一家都系驼衰家。个厨房又驼衰家，个厕所又驼衰家，我觉得最驼衰家系嗰几个奀挑鬼命嘅窗台！所以系呀，
我系刻薄嗰几个窗台，我唔买窗帘布架，晒佢啦！驼衰家！
我打麻雀，打输麻雀番嚟咪踹个地下罗，驼衰家！楼下叫我唔好踹，我同佢讲，我啲家事关你鬼事呀！
系丫，我而家系捏个墙角，你睇住我捏佢吖，你报警呀！
25.结构性转型
有一日，你男友同你讲，「分手啦！」
你会话：「今次又咩事呀？」
你男朋友就会更正你喇，有啲唔同，今次.. 上一次..下一次.. 嗰啲一般嘅离离合合，即系每三日讲一次嗰啲，，嗰啲系叫做“周期性分手”。我哋今次系“结构性分手”，由於今次嘅分手系结构性嘅，我愿意一次过俾多啲掟煲费俾你。
如果你肯参与呢个自愿性分手计划，我可以再加多3个percent。OK.... 唔同呀！呢次冇得倾，冇得再喺埋一齐架啦，除非.... 你能够作出结构性转型....隆胸。隆胸点讲都算系一种结构性转型呀！
当一个社会出现一样嘢叫“结构性失业”，即系话俾你听，呢个社会嘅本质基本上系：寡情薄幸，赵完松！
而家系好严重，有啲人长期失业到呢个地步，好耐搵到工，佢就考虑自杀，冇晒信心做人。我认为呢啲朋友，如果你真系谂到要行呢一步，你真系要问下自己，你愿唔愿作出结构性转型先？
女仕，我讲咗喇，你要隆胸，我唔系讲笑，你隆胸，真系帮到你搵到工。我唔请人，但如果你话你隆咗胸，我都想见下你。再填履歴，三只字：“隆了胸”。我包你有面试。
（经理：）「隆了胸？叫佢入嚟.......」
「小姐，你又话隆了胸？好似唔系好觉嘅点解？.....」
（小姐：）「哦~~ 唔系，经理，我哋哈佛毕业嘅，系唔可以太夸张嘅。」
男仕们，你结构边部份要转型呀？
冇错！你何B！
做艺人做到何守信算系咁啦，我哋最紧张嗰部份改咗你个名呀，几鬼尊敬你。我都期望第日，过几年啲阿爸教仔踢波：「人哋射死球，最紧要扲住阿子华呀！」.... 「你咪俾人拉西拉亲阿子华呀！」哗~~~ 咁就骄傲呀！但今时今日，仲系何B叻啲。
我哋中国人素来有呢种传统，每一个朝代大量人失业嘅时候.... 结构性转型....做太监。有好多后嚟做咗CEO架。而事实上，太监系令人成熟得最快嘅行业嚟架啦，一刹那之前你仲系一个靓仔，一刹那之后，你就系公公啦！..........
26.人寿保险从业员
我唔知你地点，我每次见完呢D卖保险既人呢，我都会帮佢买份保险，好合作！
因为我每次见完佢地，我都真系觉得命都短几年嘎。因为佢地讲野呢唔系一般人果种逻辑嘎！
你同佢讲“喂，唔系呢，陈生，我呢几个月呢，呢几个月都完全无时间嘎！”
“哦，唔紧要，你今晚有无半个钟啊？”
“唔系啊，遮系我有朋友做保险嘎，我帮佢买左份保险嘎了。”
“哦，唔紧要，我唔介意嘎～”
“你明唔明啊？我全屋都系做保险嘎，全家人都系卖保险嘎！”
“系啊，依家好多人做保险嘎！”
你无办法讲得佢地明嘎！
27.读得书少
我反而好欣赏李小龙另外一句说话，对我影响就真系好大喇，喺精武门临死之前佢讲过一句说话佢就系话：我读得书少，（握拳伸出食指在面前划几下，一个李小龙的经典动作)你唔好呃我!
我细个最怕就系读得书少咖喇啊嘛，阿sir一问：你读过书未？嘿……读咗读咗，原来读得书少都可以咁有型咖？
喔，以后就唔同啰，一到考试，“我读得书少，阿sir，你唔好考我!”
生活任何一方面都啱用嘅，“我读得书少，（握拳伸出食指在面前划几下，一个李小龙的经典动作)你唔好呃我!啲橙点卖啊？”
我亦都希望我哋嘅人大代表上去上面开会嘅时候，开开吓会突然间有个走上张台度话“我读得书少，（握拳伸出食指在面前划几下，一个李小龙的经典动作)你唔好呃我!一小撮人即系几多人啊？”
28.养狗
我养狗，我有罪，还养了超过35CM高的,我对不起党，对不起全国人民，我破坏了和谐社会,影响了国家的安定繁荣
29.开心
唔知点解唔开心,最令你唔开心既系明明你本来系好开心
你唔明点解花左大半日建立起黎嘅开心会无啦啦变左唔开心,所以你好唔开心.
30.食物链
人的食物链简单好多,系分开三层嘅,最低层系无产,中层系中产,顶层系含家产....绝无不敬成份嘅各位,因为啲顶层嘅人其又真系其屋企唔系田产房产就系遗产,真系含家都系财产.所以我地有时叫含家产叫乜野?...含家富贵!
31.爆 字
第二个字需要学嘅系个爆字.以前...我地识得最劲果嗰字就系劲,无字劲得过劲啦,系米?除咗劲劲,嗱,好有文学修养嘅呢啲,有乜字劲得过劲?劲劲劲.依家我地知道唔系,系个爆字.OK?
32.竞步
竞步系边个发明架?shila chen..陈师奶,好明显系几时发明架?追紧巴士....
「阿二嫂等埋啊二嫂」
「跑紧啦,成世人跑紧最快就依家啦.」
你留意睇清楚多一次呢个奥运项目.有乜问题?...犯咗规,点解犯咗规?脚跟离地..脚跟离地有乜问题?太快.脚跟离地即系跑.竞步嘅精神就系:我知道你可以快,但系我唔俾你快,我知道你识跑,但系我唔俾你跑.
33.体操
依家奥运有个项目叫做团体艺术体操.好犀利,有扔丝带啦,又抛保龄球樽啦,又呼拉圈啦咁样啦....其地唔使齐噶喔!?我唔知其地点计分的.呢两条友系度挥丝带,果两条友又系度抛樽,呢个又自己系度玩呼拉圈.你做乜鬼嘢着我睇咗好耐,我终于要明白,根本呢个唔系咩体操.系练紧传真七寺嘅天功北斗阵....
「哈,你入咗我地尼个阵,你仲想走返出去?师弟...抛樽!来,呼拉圈,嗡嗡嗡...」
咁尼个裁判系应该企系其地中间.
「哼!你可以走返出去就当我地输...」
34.马拉松
畸形嘅嘢但我地接受好正常,但依家我觉得好正常嘅嘢啲人就话畸形...啲人话胆类固醇,用禁药系唔公平.我就觉得...各位,你叫我地城市人同一个非洲人跑马拉松公唔公平?嗰非洲人去一次7-11 12公里半个马拉松,你仲要同其讲:「阿嚤嚓嚓,你去开7-11,你帮我去咕噜咕噜买盒叉烧饭返黎.」24公里一个马拉松.得,阿嚤嚓嚓仲要黎到7-11:「Oh~Shit!唔记得带钱」两个马拉松...你要我地同非洲人跑,要公平,OK,Fine!非洲人就斋跑,我地就胆类固醇,再津贴300文搭的士.
35.足球
大家知唔知足球系几刺激嘅一样嘢,因为足球刺激在乜呢？上半场45分钟、中场休息15分钟、下半场45分钟、加时30分钟...可以一球都唔入.好刺激!我成日睇足球睇睇下以为自己睇紧乒乓球.嘀.哒.嘀.哒...无入球嘅点解?啊,系喔,乒乓球系无入球架.点解足球咁好睇,足球好好睇就因为其可能会好难睇,所以你会期望其下一场会好好睇睇,而其又真系好难睇你就更加期望其一场真系会好好睇睇,你直情飞埋去现场去睇,然后果然嗰结果系杜琪峰电影0比0以和为贵!
36.化妆
人类最奇妙嘅系咩呢,就系男女关系.因为,大家都知啦,自古以来男人就最中意就系讲大话啦.而女人,就挪正牌讲大话啦.乜嘢叫做化妆?化妆就系你个样讲大话.....女士们,你要搞清楚乜野叫做化妆:你落咗妆我仲认得你就叫化妆,你落咗妆我唔认得你果D就叫做悼妆.
37.男女之道-女人
我细嗰时有位阿叔就教我男女之道,其同我讲:「子华,你搞清楚,男人同女人主要唔同就系,三句金句,女人系乜嘢?女人就系吃饱乜乜乜乜乜瞓"....」
「吃饱乜乜乜乜乜瞓?系乜来架?...」
「我讲紧女人就系得三样嘢噶着,吃饱,乜乜乜乜乜,同埋瞓.我俾嗰贴士俾你,所有女人都系鸡,唔系讲紧果啲鸡,而系农场真嘅果啲鸡,你埝下,鸡,吃饱同瞓之间做乜嘢?」
「...系喔,鸡唔系尼头吃饱果头就瞓噶喔,一日流流长,真系唔知其做乜嘢噶喔....」
「系啊,你就系唔知其做乜嘢,好危险.」
38.男女之道-男人
「你知吗?男人最高嘅境界就系第三句金句,发达升官死老婆.你冇听错?唔系话发达升官杀老婆,我系讲紧一句完美嘅女人就系当其地个男人发达有权有势嘅时候,其识得自己忽然...死咗....嘿,你地D女人做乜会忽然无端端死咗,尼啲你屋企啲小事你啲女人自己搞掂其啦.」
「阿世伯,真系好残忍下喔...」
「懵个你,我话你听,乜野叫做真正嘅残忍,真正嘅残忍-系发达升官陪老婆...」
(老婆):「老公你终于发达啦,你唔使咁多应酬啦,可以返黎陪我睇大长今啦!~~」
(老公):「...你都痴线的,我发咗达为咗返黎陪你睇大长今咩?我发咗达系为咗可以捉阿大长今返黎陪我啊.」
39.男人三不主义-不抗拒
男人只系能够对一个女人不抗拒,嗰个就系其啊妈.
啊妈问你:「饮唔饮汤啊」...「是但啦」
「睇热啊」...「热啊?热就唔饮啦」
系米好潇洒呢?如果林志玲邀请你去其屋企你系米都能够咁潇洒啊?
(林志玲):「来我家好不好?」...「是但啦」
「但系我屋企好热噶喔」...「咁啊?咁就唔黎嘞」
你系米会咁?你系会讲是但,你唔单止讲一次是但,仲会讲几次是但:「喂,志玲,来你家?是但啦」
「喂,旅行姐,即刻帮我订张机票飞去台湾.哎呀,乜野航空公司,是但啦...乜价钱喔,是但啦...乜窗口位走廊位都是但啦」...你直情兴奋到呢头放低电话先至醒起...我米就系台湾咯?你买张机票由台湾飞去台湾.但你唔理,你第一时间冲上林志玲屋企.
林志玲就系屋企问口等你:「(普通话)哎哟,对不起了啊...就是呢啊...我今天啊...家里呢那个冷气啊...就是冷气空调啊...就是呢坏掉了啊...就是家里很热啦...不如改天了啊...」
你有三个选择你选边个?A.破口大骂「你啊什么你啊?」B.回头就走.C.你忽然之间识得整冷气.
「我系隔离街搭飞机过黎,你话俾我听你个冷气坏咗?你个核子反应堆我都识得整啊.(普通话)志玲,有没有士把拿?士把拿镙丝批就搞定啦,搞定啦,这些核子反应堆都有反应啦.最主要我有反应嘛.」
40.男女分手
最奇妙嘅就系,男性同女性点解可以合得埋呢?但更加奇妙噶就系当其地分开嘅时候.因为好多时候其地分开,对方唔系死俾你睇就系想你死俾其睇.呢个时候你先至发觉原来谈情说爱其实同绑票勒索系无分别的...
「只系你乖乖地留系度米无事咯...你做咩要逼我着?...我都唔想啊」
41.老板与员工-1
阿森哥曾经昭我入办公室,问我一个问题,好难答,我都希望你教下我点答,其问我:「阿子华,你可唔可以话我听,点解你可以做得咁差嘅?」...你点答?你可唔可以老老实实咁答:「哦,小意思着,森哥,其实我可以做得差好多架,不过呢次有少少压力,你话如果毫无压力系差呢一方便我系公司系揾唔到对手.」
42.老板与员工-2
(老板):「有边个认为自己做得好嘅,举一举手」...无人举手
如果阿森哥转一转嗰问题系问:「有边个认为自己应该加人工嘅,举一举手,我即刻加俾你」
300人600只手...做得好无人举手,加人工嗰嗰举手,「我系知道我做得唔好,但我更加知道我应该加人工.」只系话系一个员工的心目中呢,表现同工资系应该脱勾嘅.无表现照出粮,有表现出4粮.咁公司米要拾笠?唔紧要,挪赔偿.
43.老板与员工-3
各位老板你地明唔明,点解你要出粮俾我地?唔系因为我为公司做咗D乜,而系因为我为咗呢份工,我无为自己做咗D乜野.唔系因为公司得到D乜野,系因为我丧失咗D乜野.周润发嗰金句系:「我唔见咗嘅野我要自己揾返」...一个打工仔嗰金句系:「我唔见咗嘅野边个帮我揾返」...所以你每个月底俾我嗰份,唔系出粮,系赔偿.有乜野分别?如果你出粮俾我,我应该多谢你.你赔偿俾我,你应该同我讲多声:对唔住.
44.老板与员工-4
D老板成日对员工讲:「挪个心出来会死啊?」
而D员工心里都有句:「挪块金出来使死啊?」
阿啵呲嘚-
第一集 :有恩不报不算差,有仇不报是人渣. 第二集 :损人必利己,打赢靠暗器.这个世界就是这样. 第三集 :你识相,我识相. 第四集 :(这么大的链子,这么小的手指头.)你有什么事做得成功啊,你这个人真是的! 第五集 :一件污,两件疫,三件无所谓.(我奸人坚的姓也比人多一个字,姓奸人.) 坏就坏到底,奸就奸个够.(反正我奸人坚在别人眼里是个奸人) 第六集 :(给你说过的嘛,最重要的是什么?)人财两得,永不吃亏. 第七集 :我是个奸人,可以给毁灭.但我不会被你们打败的! 第八集 :你这么傻?你什么不好学,为何要死?你要死的时候,死亡会来找你,你却去找它? 第九集 :(现在做黄飞鸿的徒弟,会有很多好处,有谁不知道啊?)正所谓人间有情.你没死,我就再送你一程! 第十集 :我们这种奸人,聪明人就怕我.只有笨人蠢人才会相信我. 第十 一集 :女人超过六十斤,男女授受不亲. 第十 二集 :真牙人,妒忌假牙人,闻所未闻. 第十 三集 :古语有云:东西可以乱吃,礼物不可以不收. 第十 四集 :一看我们就是:苦命鸳鸯一双双. 第十 五集 :有人看见就黄飞鸿,没人看见就一条虫. 第十 六集 :(师傅,我明白了)总之,打不还手,骂不还口.买菜不中饱私囊,对吧? 第十 七集 :做娘已经难了,做妓女的娘更加难.我觉得你应该好好的孝顺你娘才对. 第十 八集 :不要爱上一个做大事的人. 第十 九集 :大老板,我们做小的无非救一个机会.要是大老板给我个机会,我绝对不让 你失望. 第二 十集 :你有种去我那点灯,我就在你门口点火. 第二十一集 :我这么辛苦抓你们回来放了你们,我不如吃饱了饭去抠喉啊. 粤语原版 1.有恩不报未算差,有仇不报正人渣! 2.损人必利己,打赢就靠暗器.哩个世界系甘咖啦下嘛! 3.你识做,我识做! 4.甘大条链甘细只手指,唉,有咩做得成功咖你真系!(骂牙刷苏) 5.一件污,两件秽,三件无所谓.我奸人坚就算做咗圣人都系圣奸人! 6.我讲过最重要嘅系乜嘢?人才两得,唔使"咸湿". 7.我系一个奸人,我可以被毁灭,但我唔会比你打败! 8.你甘憨居嘅,好学唔学~,做咩要死啊?你死嘅时候死会黎稳你咖,你去稳距!(骂阿豹) 9.如今做黄飞鸿徒弟,真系甘多着数,系人都知啦下~,正所谓人间友情,你未死就送你一程! 10.我地哩D奸人啊,D聪明人就怕我,系D笨人蠢人先会信我嘅啫. 11.女人过咗60斤,男女授受不亲. 12.真牙人妒忌假牙人,闻所未闻.(讽刺翠) 13.古语有云:嘢可以乱食,礼物唔可以唔收. 14.一睇我地就系,苦命鸳鸯一双双.(跟阿碧) 15.有人睇到就黄飞鸿,无人睇到就一条虫. 16.师父,我琳我明喇,总之呢,打不还口,骂不还手!(我没写错,你自己回去看看!)买餸就唔打斧头! 17.做啊妈已经难,做老鸨啊妈更加难,我觉得你应该好好孝顺你啊妈. 18.唔好爱上一个做大事嘅人! 19.训咗靓过未训,哩D系我地广东菜嘅特色! 20.你够胆黎我铺头点灯,我就系你门口放火! 21.我甘辛苦捉你地翻黎放咗你地,我不如食饱饭去抠喉吖~
马老四-
黄子华 第23届香港电影金像奖颁奖典礼上（全球现场直播），主持人黄子华对前来领最佳亚洲电影奖的原岛大地说了一句震惊全场的话：“回去之后别忘了告诉日本人，钓鱼岛是中国的！！”
西柚不是西游-
全是经典……栋笃笑挨个下来看吧……
从有病到唔得医，哩个就系长大
buffer不妨食过份，出猫唔好太高分
…………
康康map-
系我五岩，男人老狗走入男厕。。。
《男亲女爱》 句句经典。。。
coco-
去看栋笃笑了，全是经典哦。